Иннополиста ашыгыч ярдәм хезмәте барлыкка киләчәк
Ашыгыч ярдәм хезмәте Иннополистагы медицина үзәге базасында эшләячәк.
Скопировать ссылку
(Иннополис, 5 декабрь, «Татар-информ», Гөлнар Гарифуллина). Иннополиста Казанның Ашыгыч медицина ярдәме хезмәте филиалы булдырылачак. Бу хакта карар кабул ителүе турында Татарстанның сәламәтлек саклау министры Марат Садыйков хәбәр итте.
Министр әйтүенчә, ашыгыч ярдәм Иннополистагы медицина үзәге базасында эшләячәк. Әлегә бер машина бар, киләчәктә аларның санын арттыру ниятләнә.
Марат Садыйков әйткәнчә, биредә яшәүче балаларга медицина ярдәме Казандагы Балалар республика клиник хастаханәсендә күрсәтеләчәк.