Сәхифәләр
«Татар-информ» мәгълүмат агентлыгы баш редакторы
Ринат Вагыйз улы Билалов
420066, Татарстан Республикасы, Казан, Декабристлар ур., 2нче йорт.
«ТАТМЕДИА» акционерлык җәмгыяте
«Татар-информ» мәгълүмат агентлыгы татар редакциясе
Баш редактор урынбасары
Зилә Мөбәрәкшина
Иннополиска Positive Technologies килә
Эре мәгълүмат системаларын комплексы саклау өлкәсендә дөнья лидерларының берсе Татарстанда бизнесларын үстерү белән кызыксына
(Казан, 1 июль, «Татар-информ»). Татарстан Премьер-министры Илдар Халиков ТР Хөкүмәте йортында Positive Technologies компаниясе генераль директоры Юрий Максимов белән очрашты. Очрашуда ТР Премьер-министры урынбасары - мәгълүматлаштыру һәм элемтә министры Роман Шәйхетдинов һәм Иннополис университеты вәкилләре дә бар иде, дип хәбәр итә ТР Президенты матбугат хезмәте.
Алар Иннополис территориясендә эре мәгълүмат системаларын заманча киберкуркынычлардан саклау өлкәсендә дөнья лидерларының берсенең эш перспективалары турында фикер алышты.
Илдар Халиков Россиянең иң яшь шәһәрендә резидентлар һәм IT-белгечләр өчен булдырылган шартлар турында сөйләде.
Юрий Максимов үз чиратында: "Бу безгә кадрларны урнаштыру өчен яхшы мөмкинлек. Соңгы вакытта без төбәк офисларын шактый күп ачтык. Иннополиска төбәкләрдән белгечләр чакырып була аеруча мөһим", - дип белдерде.
"Кагыйдә буларак, элегрәк перспективалы белгечләр Мәскәү белән Санкт-Петербургка өстенлек бирә иде", - дип өстәде Ю.Максимов.
(Гөлшат Ганиева тәрҗемәсе).
Кызыклы яңалыкларны күзәтеп бару өчен Телеграм-каналга язылыгыз