Сәхифәләр
«Татар-информ» мәгълүмат агентлыгы баш редакторы
Ринат Вагыйз улы Билалов
420066, Татарстан Республикасы, Казан, Декабристлар ур., 2нче йорт.
«ТАТМЕДИА» акционерлык җәмгыяте
«Татар-информ» мәгълүмат агентлыгы татар редакциясе
Баш редактор урынбасары
Зилә Мөбәрәкшина
Иннополис университеты кабул итү сыйфаты буенча иң яхшы төбәк югары уку йорты булды
Иннополис университеты кабул итү сыйфаты буенча иң яхшы төбәк югары уку йорты булды. Бу хакта Россия Мәгариф һәм фән министрлыгында 2026 елгы кабул итү кампаниясен анализлагач белдерделәр, дип хәбәр итә ТР Мәгариф һәм фән министрлыгы.
IT-вузга 539 студент укырга керде: 378е — бакалавриат, 137се — магистратура һәм 24е — аспирантура программаларына. Хәзер биредә 25 илдән 1 887 студент белем ала, шуларның 152се — чит ил кешеләре. Иннополис көллияте Россия Федерациясенең 20 төбәгеннән 50 студент кабул итте.
Бакалавриат программаларына керүчеләр арасында 139 кеше төп бюджет урыннарына, 207 — түләүле һәм 32 — квоталар буенча кабул ителгән. Беренче курс студентларының 7се-Бөтенроссия олимпиадасының йомгаклау этабында җиңүче яки призер, 51е-РСОШ исемлегеннән олимпиадаларда җиңүче яки призер.
Иннополис университетына магистратура программаларына бюджет урыннарына 67 студент һәм түләүле урыннарга 70 студент кабул ителгән. Аспирантурага 10 кеше — бюджетка, 14 кеше түләүле хезмәтләр күрсәтү турындагы килешүләр буенча кергән.
Яңалыкларны күзәтеп бару өчен Макс-каналга язылыгыз