Инфекцияләр буенча белгеч пандемия тәмамлану вакытын фаразлады
Коронавирусның җиңел формасы белән авырган пациентларның өйдә дәвалануын булдырырга кирәк, ди табиб.
(Казан, 24 гыйнвар, «Татар-информ»). Коронавирус пандемиясе 2022 елда ук төгәлләнергә мөмкин. Бу хакта медицина фәннәре докторы, табиб-иммунолог Владислав Жемчугов РИА Новостига сөйләде.
Эксперт коронавирус белән зарарланучылар санының максималь күрсәткечләренә игътибар итәргә кирәк түгел дигән фикерен белдерде. Иң мөһиме - коронавирусның җиңел формасы белән авырган пациентларның өйдә дәвалануын булдырырга кирәк, ди табиб.