Сәхифәләр
«Татар-информ» мәгълүмат агентлыгы баш редакторы
Ринат Билалов
420066, Татарстан Республикасы, Казан, Декабристлар ур., 2нче йорт.
«ТАТМЕДИА» акционерлык җәмгыяте
«Татар-информ» мәгълүмат агентлыгы татар редакциясе
Баш редактор
Рәмис Латыйпов
Баш редактор урынбасары
Ләйсән Хафизова
Әлмәттә балалар хастаханәсендә янгын чыккан
Бинадан 44 баланы, 12 әти-әнине һәм 45 хезмәткәрне чыгарганнар.
(Казан, 31 март, «Татар-информ», Полина Шевчук). Россия Гадәттән тыш хәлләр министрлыгының Татарстан буенча идарәсе хәбәр иткәнчә, бүген 14:43 сәгатьтә Әлмәтнең Төзүчеләр урамындагы балалар шәһәр хастаханәсендә янгын чыгуын хәбәр иткәннәр.
Янгын сүндерүчеләр килгәндә, администрация бинадан 44 баланы, 12 әти-әнине һәм 45 хезмәткәрне урамга чыгарганнар. Аларның барысын да күршедәге Әлмәт район хастаханәсе бинасына урнаштырганнар.
Янгын сүндерүчеләр подвал янында бина фасадындагы җылыткыч януын ачыклый.
14:54 сәгатьтә ачык ут сүндерелә. Беркемдә зыян күрмәгән, янгынның сәбәпләре ачыклана.
Төтен тәрәзә аркылы подвалга үтеп кергән булырга мөмкин. Шуның аркасында бинада янгынга каршы автоматика эшли башлаган һәм эвакуация оештырылган.
Янгын урынына Әлмәт прокуроры Дамир Язифов та килгән. Янгын факты буенча прокуратура тикшерү башлаган. Күзәтчелек ведомствосы белгечләр белән бергә әлеге хәлнең сәбәпләрен ачыклый. Моннан тыш, янгын куркынычсызлыгы таләпләрен үтәү, хастаханә хезмәткәрләре һәм пациентларның вакытлыча ничек урнаштырылган булуы тикшереләчәк.
Кызыклы яңалыкларны күзәтеп бару өчен Телеграм-каналга язылыгыз