Казанда чит ил машинасы трактор чүмеченә килеп бәрелгән
Авария Адоратский урамында булган.
Скопировать ссылку
(Казан, 31 гыйнвар, «Татар-информ»). Казанда «Лента» кибете янында чит ил машинасы трактор чүмеченә килеп бәрелгән. Бу хакта «Татар-информ»га авария шаһиты хәбәр итте.
Авария Адоратский урамында булган. «Тойота Авенсис» бик җитди зыян алган.
Шәһәр автоинспекциясендә агентлыкка әйтүләренчә, якынча мәгълүматларга караганда, чит ил машинасының исереклек билгеләре булган 22 яшьлек йөртүчесе трактор алдыннан куркынычсыз дистанцияне сайламаган.
Яшь кешенең борын сөяге сынган һәм башы җәрәхәтләнгән.