Сәхифәләр
«Татар-информ» мәгълүмат агентлыгы баш редакторы
Ринат Билалов
420066, Татарстан Республикасы, Казан, Декабристлар ур., 2нче йорт.
«ТАТМЕДИА» акционерлык җәмгыяте
«Татар-информ» мәгълүмат агентлыгы татар редакциясе
Баш редактор
Рәмис Латыйпов
Баш редактор урынбасары
Ләйсән Хафизова
Фрэнк Синатра һәм Элвис Пресли җырлары авторы коронавирустан вафат булган
Композитор үз гомерендә 400дән артык җыр иҗат иткән һәм 30 альбом чыгарган.
(Казан, 30 декабрь, «Татар-информ»). Мәшһүр Мексика композиторы һәм җырлар авторы Армандо Мансанеро 85 яшендә вафат булган. Бу хакта РИА Новости агентлыгы El Universal басмасына сылтама белән хәбәр итә.
Декабрь урталарында Мансанерода коронавирус тапканнар. Берничә көннән соң музыкантны реанимациягә күчергәннәр һәм ясалма вентиляция аппаратына тоташтырганнар. Хәле яхшырган кебек тоелса да, Мансанеро йөрәге туктау сәбәпле кинәт вафат булган.
Композитор үз гомерендә 400дән артык җыр иҗат иткән һәм 30 альбом чыгарган. Аның композицияләрен Фрэнк Синатра, Элвис Пресли, Перри Комо, Кристина Агилера кебек җырчылар башкарган. Мансанеро Латин Америкасы һәм испан музыкасын үстерү һәм популярлаштыру өчен гаять зур өлеш керткән.
Рики Мартин, Паулина Рубио, Пабло Альборан, Фито Паэс кебек дөнья күләмендә танылган артистлар социаль челтәрләрдә композиторны хөрмәтләп искә алды.
Кызыклы яңалыкларны күзәтеп бару өчен Телеграм-каналга язылыгыз