Сәхифәләр
«Татар-информ» мәгълүмат агентлыгы баш редакторы
Ринат Билалов
420066, Татарстан Республикасы, Казан, Декабристлар ур., 2нче йорт.
«ТАТМЕДИА» акционерлык җәмгыяте
«Татар-информ» мәгълүмат агентлыгы татар редакциясе
Баш редактор
Рәмис Латыйпов
Баш редактор урынбасары
Ләйсән Хафизова
Лаешта ковидка каршы чараларны үтәмәгән өчен ресторанга штраф салганнар
Лаеш районында Роспотребнадзор таләпләрен үтәүне тикшерү өчен мобиль төркемнәр булдырылган.
(Казан, 30 ноябрь, «Татар-информ»). Лаеш районында суд карары белән кибет эше туктатылган һәм ресторанга Covid-19 таралуга каршы юнәлтелгән санитар нормаларны үтәмәгән өчен 50 мең сум күләмендә штраф салынган. Бу хакта район хакимияте матбугат хезмәте хәбәр итә.
«Штраф түләүдән һәм эшчәнлекне туктатудан тыш, хокук бозучылар Россия Кулланучы хокукларын яклау һәм кеше иминлеге өлкәсендә күзәтчелек федераль хезмәтенең ТР буенча идарәсе күрсәтмәләрендә әйтелгән барлык кимчелекләрне бетерергә тиеш булачак. Лаеш районының мобиль төркемнәре хезмәткәрләре профилактика чараларының үтәлешен контрольдә тотачак», — диделәр матбугат хезмәтендә.
Мобиль төркем хезмәткәрләре җәмәгать урыннарына килүчеләрдә медицина битлекләре булуын, социаль дистанцияне үтәүне, актуаль мәгълүматлар белән «Хезмәткәрләр термометриясе» журналы булуны, эш зоналарын даими җилләтүне оештыруны һәм Роспотребнадзорның башка таләпләрен тикшерәчәк.
Көн саен Лаеш районында юридик затларны һәм шәхси эшмәкәрләрне 20дән артык тикшерү үткәрелә. Россия Кулланучы хокукларын яклау һәм кеше иминлеге өлкәсендә күзәтчелек федераль хезмәтенең ТР буенча идарәсе Лаеш бүлеге хезмәткәрләре хокук бозулар булганда протокол төзи, аннан материаллар судка җибәрелә.
Кызыклы яңалыкларны күзәтеп бару өчен Телеграм-каналга язылыгыз