Казанда төнлә машина баганага килеп бәрелгән, ике кеше имгәнгән

Юл-транспорт һәлакәте төнлә Габишев урамында булган.

(Казан, 30 ноябрь, «Татар-информ»). Төнлә Казанда авто баганага бәрелгән. Машина йөртүче һәм пассажир җәрәхәтләнгән. Бу хакта юл-транспорт һәлакәте шаһитлары хәбәр итте.

Кичә кич белән Габишев урамында җиңел машина баганага бәрелгән.

Юл-транспорт һәлакәте нәтиҗәсендә машина йөртүче һәм пассажир зыян күрде.