Төнлә Азнакай районында бәрелешкән ике машинаның да йөртүчесе үлгән
Удмуртия номерлары куелган «Лада Приора» һәм Татарстаннан уникенче модельле «Лада» автомобильләре кара-каршы бәрелешкән.
Скопировать ссылку
(Казан, 30 июнь, «Татар-информ», Полина Шевчук). Бүген төнге сәгать бердән соң Татарстанның Азнакай районында Каменка торак пункты янында юл-транспорт һәлакәте булган.
Анда Удмуртия номерлары куелган «Лада Приора» һәм Татарстаннан уникенче модельле «Лада» автомобильләре кара-каршы бәрелешкән.
Шаһитлар сүзләренчә, бәрелешкәч, «Лада» автомобиле юл кырыена төшеп киткән һәм әйләнеп капланган.
«Ике машина йөртүчесе дә шунда ук үлгән. Аларның икесенә дә 30 яшь тирәсе», — дип сөйләде авария шаһитлары.
