Түбән Камада микроавтобус һәм җиңел машина бәрелешеп, тугыз кеше зыян күргән
Юл-транспорт һәлакәте сәнәгать зонасы территориясендә булган.
Скопировать ссылку
(Казан, 29 ноябрь, «Татар-информ»). Түбән Камада микроавтобус чит ил машинасы белән бәрелешкәннән соң әйләнеп капланган. Бу хакта «Татар-информ»га һәлакәт урыныннан ерак булмаган автомобиль хуҗалары хәбәр итте.
Сәнәгать зонасы территориясендә бүген кич «Тойота» микроавтобусы һәм «Рено Логан» машинасы бәрелешкән. «Тойота» бәрелүдән соң әйләнеп капланган.
«Татар-информ»га хәбәр итүләренчә, авария нәтиҗәсендә тугыз кеше зыян күргән.
«Зыян күрүчеләрнең берсе авыр хәлдә. Тугыз кеше дә Түбән Кама үзәк район хастаханәсенә урнаштырылды», — дип хәбәр иттеләр министрлыкта.
Авария урынында ашыгыч хезмәтләр эшли.