Әлмәттә наркопритон ачыкланган

Шәһәрдә яшәүче 55 яшьлек ир үзенең фатирын наркотик ясау һәм куллану өчен биреп торгалаган.

(Казан, 29 ноябрь, "Татар-информ"). Әлмәттә наркопритон ачыкланган. Шәһәрдә яшәүче 55 яшьлек адәм үзенең фатирын наркотик ясау һәм куллану өчен биреп торгалаган. Бу хакта "Әлмәт таңнары" яза.

К. Цеткин урамындагы бер йортта яшәүче бу кеше беркайда да эшләми торган булган. Полиция участок уполномоченныйлары әлеге кырын эшнең эзенә төште. Хәзерге вакытта иргә карата җинаять эше кузгатылган. Аңа 4 ел төрмә яный.