Сәхифәләр
«Татар-информ» мәгълүмат агентлыгы баш редакторы
Ринат Билалов
420066, Татарстан Республикасы, Казан, Декабристлар ур., 2нче йорт.
«ТАТМЕДИА» акционерлык җәмгыяте
«Татар-информ» мәгълүмат агентлыгы татар редакциясе
Баш редактор
Рәмис Латыйпов
Баш редактор урынбасары
Ләйсән Хафизова
Ташландык котельныйда хатын-кызны көчләгән Казан кешесен тоткарлаганнар
Элегрәк хөкем ителгән 29 яшьлек ир-ат 2020 елның июлендә генә колониядән азат ителгән.
(Казан, 29 октябрь, «Татар-информ», Полина Шевчук). Казанда ташландык котельныйда кыз кешене көчләгән өчен ир-атны тоткарлаганнар. Бу хакта «Татар-информ»га Россия Эчке эшләр министрлыгының Казан буенча идарәсе матбугат хезмәтендә хәбәр иттеләр.
Полициягә Казанда яшәүче 20 яшьлек хатын-кыз мөрәҗәгать иткән. Кыз Зорге урамында аның артыннан билгесез кеше килүен, бугазына пычак терәп, янап, ташландык котельныйга алып китүен һәм көчләвен сөйләп биргән.
Полицейскийлар фаразланган җинаятьченең эзенә төшә. Ул Казанда яшәүче элегрәк хөкем ителгән 29 яшьлек ир-ат булып чыга. Әлеге кеше быел июль аенда гына төрмәдән азат ителгән булган.
«Сексуаль характердагы көчләү гамәлләре» маддәсе буенча җинаять эше кузгатылган. Якын арада җинаятьчегә чикләү чарасы сайланачак.
Кызыклы яңалыкларны күзәтеп бару өчен Телеграм-каналга язылыгыз