news_header_top_970_100
16+
news_header_bot_970_100

Татарстанда коронавирустан тагын дүрт кеше үлгән

Бу кешеләрнең үлеме сәбәбе патологоанатомик экспертиза вакытында ачыкланган.

Татарстанда коронавирустан тагын дүрт кеше үлгән
Михаил Захаров

(Казан, 21 декабрь, «Татар-информ»). Татарстанда коронавирустан тагын дүрт үлем очрагын теркәгәннәр. Бу турыда республика Сәламәтлек саклау министрлыгының матбугат хезмәте хәбәр итә.

Татарстанда 1937, 1957, 1965 елда туган хатын-кызлар һәм 1976 елда туган ир-ат вирус корбаны булган.

Республикада яшәүчеләрнең үлем сәбәбен патологоанатомик экспертиза нәтиҗәләре буенча ачыклаганнар.

«Вирус идентификацияләнгән», — диделәр министрлык матбугат хезмәтендә.

Пандемия башланганнан бирле республикада коронавирус инфекциясеннән барлыгы 174 кеше үлгән.

 

autoscroll_news_right_240_400_1
autoscroll_news_right_240_400_2
news_bot_970_100