Сәхифәләр
«Татар-информ» мәгълүмат агентлыгы баш редакторы
Ринат Билалов
420066, Татарстан Республикасы, Казан, Декабристлар ур., 2нче йорт.
«ТАТМЕДИА» акционерлык җәмгыяте
«Татар-информ» мәгълүмат агентлыгы татар редакциясе
Баш редактор
Рәмис Латыйпов
Баш редактор урынбасары
Ләйсән Хафизова
Бөгелмәдә биш катлы йортта янгын чыгып, бер кеше үлгән, өчесе зыян күргән
Янгын бүген иртән Совет урамындагы 45нче йортта чыккан.
(Казан, 29 май, «Татар-информ», Полина Шевчук). Бөгелмәдә биш катлы йортта янгын чыгып, бер кеше үлгән, өчесе зыян күргән. Бу хакта «Татар-информ» агентлыгына Россия Гадәттән тыш хәлләр министрлыгының ТР буенча Баш идарәсе матбугат хезмәтеннән хәбәр иттеләр.
Бүген 10.00 сәгатьтә 112 бердәм номерына Бөгелмә шәһәренең Совет урамында урнашкан биш катлы йортта янгын чыгуы хакында хәбәр килгән. Телефоннан шалтыраткан кеше өченче каттагы бер фатирның януы хакында хәбәр иткән.
Урынга 64нче янгын-коткару часте хезмәткәрләре юл тоткан.
Ялкын телләре ялмап алган фатирдан дүрт кешене коткарганнар. Зыян күргән өч кешене Үзәк район хастаханәсенә озатканнар. Бер кеше һәлак булган.
Янгынны иртәнге унберенче яртыда тулысынча сүндергәннәр. Аның мәйданы 7 квадрат метр тәшкил иткән.
Хәзер Дәүләт янгын күзәтчелеге хезмәткәрләре алдында янгынның ни сәбәпле чыгуын ачыклау бурычы тора.
Кызыклы яңалыкларны күзәтеп бару өчен Телеграм-каналга язылыгыз