Сәхифәләр
«Татар-информ» мәгълүмат агентлыгы баш редакторы
Ринат Билалов
420066, Татарстан Республикасы, Казан, Декабристлар ур., 2нче йорт.
«ТАТМЕДИА» акционерлык җәмгыяте
«Татар-информ» мәгълүмат агентлыгы татар редакциясе
Баш редактор
Рәмис Латыйпов
Баш редактор урынбасары
Ләйсән Хафизова
Казанда мәктәп автобусы белән булган авариядә өч кеше зыян күргән
Юл-транспорт һәлакәте иртән Привокзальная урамында булган, авария вакытында автобуста балалар булмаган.
(Казан, 28 ноябрь, «Татар-информ», Полина Шевчук). Казанда мәктәп автобусы һәм машина катнашындагы авариядә өч кеше зыян күргән. Бу хакта «Татар-информ»га авариянең шаһитлары сөйләде.
Авария бүген иртән Привокзальная урамындагы 20нче йорт каршында булган. Монда «Тойота» җиңел машинасы һәм мәктәп автобусы бәрелешкән. Бәрелүдән чит ил машинасы юлга аркылы ауган, ә автобус юл читенә төшкән.
Шаһитлар әйтүенчә, авария мизгелендә автобуста балалар булмаган.
Беренчел мәгълүматлар буенча, җиңел машина каршы як хәрәкәт полосасына чыккан һәм «Пежо» автобусы белән бәрелешкән.
«Юл-транспорт һәлакәте нәтиҗәсендә җиңел машинадагы 8 яшьлек бала зыян күргән. Кызның аягы имгәнгән. Чит ил машинасы йөртүчесе һәм автобус пассажирын табиблар караган», — диделәр Татарстан буенча Эчке эшләр министрлыгында.
Кызыклы яңалыкларны күзәтеп бару өчен Телеграм-каналга язылыгыз