Татарстанда коронавирустан тагын сигез кеше вафат булды

Татарстанда рәсми рәвештә теркәлгән коронавирус корбаннарының гомуми саны 2021 елның 28 октябренә 963кә җитте.

(Казан, 28 октябрь, «Татар-информ»). Татарстанның тагын сигез кешесе Covid-19 коронавирусы корбаны булган - алар дүрт хатын-кыз һәм дүрт ир-ат. Бу хакта ТР Сәламәтлек саклау министрлыгы матбугат хезмәте хәбәр итә.

«Татарстанда коронавирус инфекциясеннән сигез кеше үлеме расланган», - дип хәбәр иттеләр ведомствода.

Covid-19 йогышыннан 1942, 1946, 1951 һәм 1955 елларда туган хатын-кызлар, 1946 (ике), 1949 һәм 1950 елларда туган ир-атлар үлгән.

«Үлем сәбәпләре патологоанатомик экспертиза нәтиҗәсендә билгеләнгән. Вирус идентификацияләнгән», - диделәр министрлыкта.

Шулай итеп, Татарстанда рәсми рәвештә теркәлгән коронавирус корбаннарының гомуми саны 2021 елның 28 октябренә 963кә җитте.