news_header_top_970_100
16+
news_header_bot_970_100

Татарстанда юл-транспорт һәлакәтендә бер кеше үлгән һәм дүрт кеше зыян күргән

«КАМАЗ» һәм «Лада» автомобиле кара-каршы бәрелешкән.

Татарстанда юл-транспорт һәлакәтендә бер кеше үлгән һәм дүрт кеше зыян күргән

(Казан, 28 июль, «Татар-информ»). Бүген, көндезге сәгать өч тирәсендә республиканың Арча районы Казан-Малмыж юлында авария булган. «Лада» автомобиле йөртүчесе каршы як полосага чыгып, «КАМАЗ» белән бәрелешкән. Бәрелешүдән соң, «Лада» юл кырыена төшеп киткән.

Шаһитлар хәбәр иткәнчә, «Лада» автомобилендә биш кеше булган. Ашыгыч ярдәм машинасы 4 кешене хастаханәгә алып киткән. 50 яшьләр тирәсендәге бер хатын-кыз һәлакәт урынында ук үлгән.






autoscroll_news_right_240_400_1
autoscroll_news_right_240_400_2
news_bot_970_100