Сәхифәләр
«Татар-информ» мәгълүмат агентлыгы баш редакторы
Ринат Билалов
420066, Татарстан Республикасы, Казан, Декабристлар ур., 2нче йорт.
«ТАТМЕДИА» акционерлык җәмгыяте
«Татар-информ» мәгълүмат агентлыгы татар редакциясе
Баш редактор
Рәмис Латыйпов
Баш редактор урынбасары
Ләйсән Хафизова
Равил Әхмәтшин Севастопольдә хезмәт итүче Татарстан хәрбиләре белән очрашты
Чарада шулай ук Чаллы шәһәре мэры Наил Мәһдиев һәм «Ак Барс» суднолар төзү корпорациясе генераль директоры Ренат Мистахов та булды.
(Казан, 28 июль, «Татар-информ»). Татарстан Республикасы Премьер-министры урынбасары – Татарстан Республикасының Россия Федерациясендәге Тулы вәкаләтле вәкиле Равил Әхмәтшин Севастопольдә Хәрби-диңгез флоты көнен бәйрәм итүдә катнашты. Ул биредә хезмәт итүче Татарстан егетләре белән очрашты.
Татарстан Республикасының Россия Федерациясендәге Тулы вәкаләтле вәкиллегендә хәбәр итүләренчә, чарада шулай ук Чаллы шәһәре мэры Наил Мәһдиев һәм «Ак Барс» суднолар төзү корпорациясе генераль директоры Ренат Мистахов та булды. Делегация Хәрби-диңгез флоты көненә багышланган парадта катнашты һәм флот командованиесе белән очрашты.
Равил Әхмәтшин Кара диңгез флоты командующие адмирал Игорь Осиповка һәм контр-адмирал Игорь Смолякка «ТАССРның 100 еллыгы» медален тапшырды. Указны Татарстан Республикасы Президенты Р. Н.Миңнеханов имзалады.
Бүләк Татарстан Республикасы белән нәтиҗәле хезмәттәшлек, илнең оборона сәләтен ныгытуга һәм гражданнарны хәрби-патриотик тәрбияләүгә зур өлеш керткән өчен бирелде.
Сәфәр кысаларында шулай ук «Бора» һәм «Самум» кече ракета корабльләрендә, «Эпрон» коткару судносында, 41нче ракета катерлары бригадасында, диңгез пехотасы бригадасында һәм башка частьләрдә хезмәт итүче Татарстан Республикасы хәрби хезмәткәрләре белән очрашу булды.
Кара диңгез флоты ветераннарына һәм хәрби хезмәткәрләргә Равил Әхмәтшин «Диңгездәге батырлык өчен» һәм «Ватанга хезмәт иткән өчен» истәлекле медальләр тапшырды. Хезмәттә аерылып торган егетләр Рәхмәт хатлары, Мактау грамоталары һәм бүләкләр алды.
Причал янында кунаклар А.М. Горький исемендәге Яшел Үзән заводында төзелгән корабльләрне – «Грайворон» һәм «Кырым яшь армиячесе» корабльләрен карый алды, «Чаллы» ракета кораблендә булды.
Кызыклы яңалыкларны күзәтеп бару өчен Телеграм-каналга язылыгыз