Җиңел машина трассадан юл кырыена төшеп әйләнеп капланган, бер пассажир һәлак булган
Фаҗига кичә кич белән Питрәч районының Янсуар авылында булган.
Скопировать ссылку
(Казан, 28 июль, «Татар-информ», Павел Климчак). Кичә кич белән Питрәч районының Янсуар авылында Datsun автомобиле борылышта кюветка төшеп киткән. Машина түбәсенә әйләнеп капланган.
«Татар-информ» мәгълүмат агентлыгына һәлакәт шаһитлары хәбәр итүләренчә, җиңел машинаның бер пассажиры һәлак булган, тагын бер пассажир һәм машина йөртүче төрле тән җәрәхәтләре алган. Зыян күрүчеләрне хастаханәгә алып киткәннәр.
