Сәхифәләр
«Татар-информ» мәгълүмат агентлыгы баш редакторы
Ринат Билалов
420066, Татарстан Республикасы, Казан, Декабристлар ур., 2нче йорт.
«ТАТМЕДИА» акционерлык җәмгыяте
«Татар-информ» мәгълүмат агентлыгы татар редакциясе
Баш редактор
Рәмис Латыйпов
Баш редактор урынбасары
Ләйсән Хафизова
Татарстанда һәм Идел буенда язгы ташуга бәйле хәлләрне һавадан күзәтәләр
Россия Гадәттән тыш хәлләр министрлыгы Татарстан Баш идарәсенең Кризис хәлләрдә идарә итү үзәгендә узган киңәшмәдә төбәктә язгы ташкыннар белән бәйле төп проблемалар турында фикер алыштылар.
(Казан, 28 май, «Татар-информ», Полина Шевчук). Татарстанда һәм Идел буенда язгы ташуга бәйле хәлләрне һавадан күзәтәләр. Бу хакта «Татар-информ»га Россия Гадәттән тыш хәлләр министрлыгының Татарстан Баш идарәсе матбугат хезмәтендә хәбәр иттеләр.
Россия Гадәттән тыш хәлләр министрлыгы Татарстан Баш идарәсенең Кризис хәлләрдә идарә итү үзәгендә координацион киңәшмә узды. Биредә төп тема - Идел буе федераль округының иң проблемалы участокларында, шул исәптән Самара өлкәсендә һәм Пермь краенда су басу белән бәйле вазгыять булды.
Кичә һавадан Гадәттән тыш хәлләр министрлыгы комиссиясе Самара өлкәсендә Жигулевск ГЭСы районында, Пермь краенда Кама сусаклагычында, шулай ук Түбән Кама һәм Куйбышев сусаклагычларында язгы ташу хәлләренең торышын карады.
Шунысын әйтергә кирәк, комиссиянең төп бурычы — төбәктә ташкынга бәйле төп проблемаларны билгеләү, белгечләрнең килеп туган хәл турында фикерләрен ишетү һәм аны федераль хакимиятләргә җиткерү.
Элегрәк «Татар-информ» мәгълүмат агентлыгы Иделдә су дәрәҗәсе арту сәбәпле, республиканың Яшел Үзән районының Васильево бистәсендә урнашкан «Ял» һәм «Малахит» бакчачылык ширкәтләренең 60 кишәрлеге зыян күрүен хәбәр иткән иде.
Кызыклы яңалыкларны күзәтеп бару өчен Телеграм-каналга язылыгыз