Марий Элның экс-башлыгына карата җинаять эше кузгатылган

Леонид Маркелов республика хакимияте хезмәткәрләренә алты миллион хезмәт хакын дөрес күчермәүдә шикләнелә.

(Казан, 28 март, “Татар-информ”). Марий Элның элеккеге башлыгы Леонид Маркеловка карата хезмәт вазифаларыннан явызларча файдалану буенча җинаять эше кузгатылган, дип хәбәр итә “RT на русском”.

Тикшерүчеләр Маркелов республика хакимияте хезмәткәрләренә алты миллион хезмәт хакын дөрес күчермәгән дип саный.

Агентлык мәгълүматлары буенча, Маркелов утлы коралларны законсыз саклаган өчен ришвәт алуда да шикләнелә.