Спаста ашлама сиптерү җайланмасын урлап киткәннәр

Агрегатның бәясе - 740 мең сум

 (Казан, 27 август, “Татар-информ”). Спас районының “Хузангаевский” хуҗалыгы басуыннан бәясе 740 мең сум тирәсе торган ашлама сиптерү җайланмасын урлап киткәннәр. “Центрсельхозхимия” җәмгыятенә караган кыйммәтле җайланманы төнгә караусыз басуда калдырып киткәннәр. Караклар исә шуннан файдаланып, ашлама сиптерү агрегатын икенче билгесез бер техникага тагып киткәннәр.

Бу факт буенча тикшерү эшләре кузгатылган, әмма әлегә бернинди нәтиҗәләр дә юк, дип белдерә “Яңа тормыш” басмасы.