Татарстанда тагын ике кеше коронавирустан үлгән

Республикада Covid-19 корбаннарының гомуми саны 333 булды.

(Казан, 27 февраль, «Татар-информ»). Татарстанда тагын ике кеше яңа төрдәге Covid-19 коронавирус инфекциясе корбаны булган.

ТР Сәламәтлек саклау министрлыгының матбугат хезмәтеннән хәбәр итүләренчә, коронавирустан 1940 һәм 1946 елгы хатын-кызлар вафат.

«Үлемнең сәбәбе патологоанатомик экспертиза үткәрү нәтиҗәсендә ачыкланды. Вирус идентификацияләнде», диелә хәбәрдә.

Ведомство белешмәсе буенча, шулай итеп республикада Covid-19 корбаннарының гомуми саны 333 булды.