Төнлә Әлмәт физик культура көллиятендә янгын чыккан

Янгында беркем дә зыян күрмәде.

(Казан, 27 гыйнвар, «Татар-информ»). Төнлә Әлмәт физик культура көллиятендә янгын чыккан. Бу хакта Россия гадәттән тыш хәлләр министрлыгының ТР буенча Баш идарәсе матбугат хезмәтендә хәбәр иттеләр.

Бүген төнлә 00.37ләр тирәсендә Гадәттән тыш хәлләр министрлыгына Риза Фәхретдин урамындагы уку йортында киенү-чишенү бүлмәсе януы турында хәбәр килде.

15 квадрат метр мәйдандагы янгын 20 минут эчендә сүндерелде. Башлангыч версия буенча, янгынның сәбәбе - электр җиһазларын куллану кагыйдәләрен бозу.

Янгында беркем дә зыян күрмәде.