Сәхифәләр
«Татар-информ» мәгълүмат агентлыгы баш редакторы
Ринат Билалов
420066, Татарстан Республикасы, Казан, Декабристлар ур., 2нче йорт.
«ТАТМЕДИА» акционерлык җәмгыяте
«Татар-информ» мәгълүмат агентлыгы татар редакциясе
Баш редактор
Рәмис Латыйпов
Баш редактор урынбасары
Ләйсән Хафизова
Казанда тәрәзә юу сыекчасы җитештерелә торган цех хуҗасы тоткарланган
Законсыз цех Тихорецкая урамында урнашкан складлар территориясендә табылган.
(Казан, 26 ноябрь, «Татар-информ», Полина Шевчук). Татарстанда студентлар күпләп агуланганнан соң тәрәзә юу сыекчасы җитештерелә торган цех хуҗасын тоткарланган.
Россия Тикшерү комитетының ТР буенча идарәсе җитәкчесенең өлкән ярдәмчесе Андрей Шептицкий «Татар-информ» агентлыгына шулай дип белдерде.
Тәрәзә юу сыекчасы җитештерелә торган законсыз цех Тихорецкая урамында урнашкан складлар территориясендә табылган. Тикшерүчеләр ачыклаганча, әлеге сыекчаны ясаган вакытта аңа метанол да кушканнар, ә аны гамәлдәге законнар нигезендә җитештерүдә кулланырга ярамый.
Цех хуҗасын тоткарлаганнар. Ул күрсәтмәләр бирүдән баш тарткан. Якын арада аңа карата чик кую чарасы билгеләнәчәк.
Шунысын да искәртик: 17 ноябрьгә каршы төндә Салмачы бистәсендәге бер коттеджда студентлар метанол белән агуланган иде. 15 кеше хастаханәгә озатылды. Бер кызны коткара алмадылар – ул хастаханәдә вафат булды.
Соңрак ачыкланганча, яшьләр танышларыннан биш литрлы шешә белән исерткеч сатып алган. Әмма аны багажникта яткан тәрәзә юу сыекчасы белән бутаганнар һәм хуш исләндергеч кушып, шул сыекчаны эчкәннәр.
Легаль булмаган алкоголь сатучының шәхесе ачыкланган. Аңа карата җинаять эше кузгатылган.
Кызыклы яңалыкларны күзәтеп бару өчен Телеграм-каналга язылыгыз