Сәхифәләр
«Татар-информ» мәгълүмат агентлыгы баш редакторы
Ринат Билалов
420066, Татарстан Республикасы, Казан, Декабристлар ур., 2нче йорт.
«ТАТМЕДИА» акционерлык җәмгыяте
«Татар-информ» мәгълүмат агентлыгы татар редакциясе
Баш редактор
Рәмис Латыйпов
Баш редактор урынбасары
Ләйсән Хафизова
Татарстанның өч торак пунктында котыру авыруы буенча карантин кертелде
Чикләүләрне хайваннар авыруының соңгы очрагыннан ике ай узгач алачаклар.
(Казан, 26 сентябрь,«Татар-информ»). Татарстанның өч торак пунктында котыру авыруы буенча карантин кертелде. Татарстан Республикасы Президенты указы республика җитәкчесенең рәсми порталында басылды.
«Татарстан Республикасының торак пунктлары территорияләрендә терлекләр котыру авырулы булганга, Алексеевск районының Яңа Спас авылы, Зәй районының Утяшкино һәм Яңа Чишмә районының Шахмай авылында карантин билгеләргә», — диелә документта.
Чикләүләр гамәлдә булган вакытта авылларда йорт хайваннары белән сәүдә итү һәм аларны читкә чыгару, кыргый хайваннарны тоту, чирле хайваннарны иткә чалу, аларның сөтен куллану тыела. Шулай ук сәламәт хайваннарның сөтен пастеризацияләмичә генә сатарга һәм кулланырга, тиресен һәм йонын дезинфекциясез сатарга ярамый.
Режим хайваннар авыруының соңгы очрагыннан ике ай узганнан соң бетереләчәк.
Кызыклы яңалыкларны күзәтеп бару өчен Телеграм-каналга язылыгыз