Сәхифәләр
«Татар-информ» мәгълүмат агентлыгы баш редакторы
Ринат Билалов
420066, Татарстан Республикасы, Казан, Декабристлар ур., 2нче йорт.
«ТАТМЕДИА» акционерлык җәмгыяте
«Татар-информ» мәгълүмат агентлыгы татар редакциясе
Баш редактор
Рәмис Латыйпов
Баш редактор урынбасары
Ләйсән Хафизова
Зәйдә бер хатын алимент түләмәгән өчен хөкем ителгән
Әни кешенең алимент буенча гомуми бурычы 454 мең сумнан арткан.
(Зәй, 26 гыйнвар, «Татар-информ», «Зәй офыклары», Николай Шамионов). Зәй районында балигъ булмаган кызы өчен алимент түләүдән баш тарткан 48 яшьлек хатын хөкем ителгән.
Шәһәр суды хатын-кызны Россия Җинаять кодексының 157нче маддәсе 1нче өлеше буенча җинаять кылуда гаепле дип тапкан. Бу турыда район басмасы хәбәр итә.
Суд карары белән әлеге хатын-кыз ана хокыкыннан мәхрүм ителеп, балигъ булмаган кызы өчен алимент түләргә тиеш була. Әмма 2020 елның июнь аеннан алып августка кадәр хөкем ителүче алимент түләүдән, балага матди ярдәм күрсәтүдән качкан.Хатын-кызның алимент буенча гомуми бурычы 454 мең сумнан арткан.
Хатын-кыз үз гаебен өлешчә таныган. Суд аңа 10 ай төзәтү эшләренә тарту сыйфатында җәза билгеләгән. Моннан тыш аның хезмәт хакының 10 проценты дәүләт файдасына тотылачак. Суд карары әлегә законлы көченә кермәгән.
Кызыклы яңалыкларны күзәтеп бару өчен Телеграм-каналга язылыгыз