Татарстанда коронавирус инфекциясеннән тагын дүрт үлем очрагы теркәлгән
26 гыйнварга республикада ковидтан үлүчеләр саны 247 кешегә җиткән.
Скопировать ссылку
(Казан, 26 гыйнвар, «Татар-информ»). Татарстанда коронавирус инфекциясеннән 1933 һәм 1936 елда туган ике ир-ат һәм 1937 һәм 1952 елда туган ике хатын-кыз үлгән. Шулай итеп республикада коронавирустан тагын дүрт үлем очрагы теркәлгән.
Сәламәтлек саклау министрлыгы хәбәр итүенчә, .үлем сәбәпләре патологоанатомик экспертиза нәтиҗәсендә билгеләнгән. Вирус идентификацияләнгән.
26 гыйнварга республикада ковидтан үлүчеләр саны 247 кешегә җиткән, диелә хәбәрдә.