Сәхифәләр
«Татар-информ» мәгълүмат агентлыгы баш редакторы
Ринат Билалов
420066, Татарстан Республикасы, Казан, Декабристлар ур., 2нче йорт.
«ТАТМЕДИА» акционерлык җәмгыяте
«Татар-информ» мәгълүмат агентлыгы татар редакциясе
Баш редактор
Рәмис Латыйпов
Баш редактор урынбасары
Ләйсән Хафизова
Танылган ислам галиме Александр Игнатенко вафат
Соңгы айда Игнатенко коронавирустан терелгәннән соң хастаханәдә дәваланган.
(Казан, 26 гыйнвар, «Татар-информ»). 24 гыйнварда Мәскәүдә танылган ислам галиме, Дин һәм сәясәт институты җитәкчесе Александр Игнатенко 73 яшендә вафат булган.
Соңгы айда Игнатенко коронавирустан терелгәннән соң хастаханәдә дәваланган. Бу хакта «Интерфакс» агентлыгы институт сайтына сылтама белән хәбәр итә.
Хезмәттәшләре билгеләп үткәнчә, галим бүгенге дөньяга «хакимнәргә үгет-нәсихәт» жанрын ачып һәм узган гасырның 80нче еллары башында ук дин белән сугарылган экстремизм һәм террорчылыкны тикшерүгә нигез салып, урта гасыр гарәп-мөселман фикерен өйрәнүгә сизелерлек өлеш кертте.
2001 елдан Игнатенко - РФ Президенты каршындагы Дини берләшмәләр белән хезмәттәшлек советы әгъзасы, 2006-2008 елларда РФ Иҗтимагый палатасы әгъзасы иде.
Александр Игнатенко белән хушлашу вакыты һәм урыны хакында өстәмә рәвештә хәбәр ителәчәк.
Кызыклы яңалыкларны күзәтеп бару өчен Телеграм-каналга язылыгыз