Мәскәүнең Тверь районы суды «Finiko»га нигез салучы Кирилл Доронинга арестны озайтты

Доронинны аеруча зур күләмдә мошенниклыкта гаеплиләр.

(Казан, 25 ноябрь, «Татар-информ», Павел Климчак). Бүген Мәскәүнең Тверь район судында утырыш узды, анда «Finiko» финанс оешмасына нигез салучыларның берсе Кирилл Доронинга арестны озайту турындагы үтенечнамә каралды.

Суд үтенечне канәгатьләндерде һәм Finiko оештыручысын СИЗОда калдырды. Искәртеп узабыз, Доронинны аеруча зур күләмдә мошенниклыкта гаеплиләр.

Элегрәк «Татар-информ» агентлыгы «Finiko» оешмасына нигез салучы Кирилл Доронинның оешма таркалуда аның партнерлары гаепле дип белдергәнлеген хәбәр иткән иде.