Татарстанда ЮХИДИ машина йөртүчеләрне җәйге резинаны кышкыга алыштырырга чакыра

Республиканың Дәүләт автоинспекциясе машина йөртүчеләргә автомобильне кышкы сезонга, аның техник торышын тикшереп, җентекләп әзерләргә кирәклеген искәртә.

(Казан, 25 ноябрь, «Татар-информ»). Татарстанда ЮХИДИ машина йөртүчеләрне җәйге резинаны кышкы сезонга алыштырырга чакыра.

ТР Дәүләт автоинспекциясендә машина йөртүчеләргә куркынычсызлык мәсьәләләренә җитди карарга һәм автомобильне кышкы сезонга әзерләргә кирәклеген искәртә. Чөнки автомобильнең техник әзерлегенә карата салкын караш фаҗига белән тәмамланырга мөмкин.

ЮХИДИ хезмәткәрләре кышкы чорда транспорт чарасында җәйге көпчәкләрдә йөрү, шулай ук аңа төрле шиннар  урнаштыру тыелганлыгын җиткерә.