Казансу елгасындагы боз өстендә бер ир-ат баланы чанада утыртып йөргән

Бер мизгелдә чана ир-атның кулыннан ычкынып киткәнен шаһитлар видеога төшереп алган.
(Казан, 25 ноябрь, «Татар-информ»). Казансу елгасындагы боз өстендә бер ир-ат баланы чанада утыртып йөргәнен шаһитлар видеога төшергән. Кадрлар социаль челтәрдә чыкты.Видеоны “Казан” гаилә үзәге тирәсендә төшергәннәр. Бер мизгелдә ир-атның кулыннан чана ычкынып китә һәм ул сак кына басып аны алырга бара.Социаль челтәр кулланучылары ир-атны гаепләгән. Алар фикеренчә, елгадагы боз җитәрлек дәрәҗәдә калын түгел.