Сәхифәләр
«Татар-информ» мәгълүмат агентлыгы баш редакторы
Ринат Билалов
420066, Татарстан Республикасы, Казан, Декабристлар ур., 2нче йорт.
«ТАТМЕДИА» акционерлык җәмгыяте
«Татар-информ» мәгълүмат агентлыгы татар редакциясе
Баш редактор
Рәмис Латыйпов
Баш редактор урынбасары
Ләйсән Хафизова
Чаллыда торак йорт шартлаганнан соң гадәттән тыш хәл режимы кертелде
Бу йортта яшәүчеләр вакытлыча шәһәр кунакханәсенә урнаштырылган.
(Казан, 25 октябрь, «Татар-информ»). Чаллы шәһәрендә Гадәттән тыш хәл һәм янгын куркынычсызлыгын тәэмин итү комиссиясенең күчмә утырышы булды.
«Муниципаль характерда гадәттән тыш хәл режимын кертү карары кабул ителде һәм җавап бирүнең җирле дәрәҗәсе билгеләнде», — дип ачыклык керттеләр Россия Гадәттән тыш хәлләр министрлыгының Татарстан буенча Баш идарәсе матбугат хезмәтендә.
Шартлау нәтиҗәсендә алты фатир җимерелгән, аларда 14 кеше яшәгән. Йорт хәрабәләре астыннан дүрт кешене чыгарганнар, алар арасында ике бала да бар.
Бу йортта яшәүчеләр вакытлыча шәһәр кунакханәсенә урнаштырылган. Анда 400 кеше сыя.
Кызыклы яңалыкларны күзәтеп бару өчен Телеграм-каналга язылыгыз