ТР Югары суды “Булгария” һәлакәте турында эш буенча гаепләнүченең үтенечен канәгатьләндермәде

 (Казан, 25 июнь, «Татар-информ», Эмма Ситдыйкова). ТР Югары суды “Булгария” һәлакәте турында эш буенча гаепләнүче Идел буе дәүләт диңгез һәм елга күзәтчелегенең Казан линия бүлеге башлыгы Ирек Тимерхаҗиевның үтенечен канәгатьләндермәде. Бу хакта “Татар-информ” МА хәбәрчесенә судның матбугат секретаре Наталья Лосева хәбәр итте.

Суд утырышы СИЗОда булган Ирек Тимерхаҗиев катнашында видеоконференцэлемтә режимында узды. Гаепләнүче Казанның Мәскәү районы судының аны сак астында тоту вакытын озайту турындагы карарын бетерүне һәм аңа карата иректән мәхрүм итү белән бәйле булмаган башка чара сайлауларын сорады.

Якларның фикерләрен тыңлап, ТР Югары суды Казанның Мәскәү районы судының карарын үзгәрешсез калдырдыы, гаепләнүченең үтенечен канәгатьләндермәде.