Татарстанда яшен сугу нәтиҗәсендә, 15 төргәк печән янган

 (Казан, 24 июнь, «Татар-информ»). Кичә көндез Левашово авылында “Кызыл Восток Агро” ААҖнең терлекчелек фермасында зур янгын чыккан - печән янган. Ут ялкыны 400 кв.м мәйданда 15 төргәк печәнне юкка чыгарган.

Һәлак булучылар һәм зыян күрүчеләр юк. Алдагы мәгълүмат буенча, янгын чыгу сәбәбе яшен сугуда, дип хәбәр итә Россия Гражданнар оборонасы эшләре, гадәттән тыш хәлләр һәм бәла-каза нәтиҗәләрен бетерү министрлыгының ТР буенча Баш идарәсе матбугат хезмәте.