Татарстанда янгыннан 11 кешене коткарганнар

Янгын мәйданы 56 кв. метр тәшкил итте. Беркем дә зыян күрмәде.

(Казан, 25 февраль, «Татар-информ»). Татарстанда янгыннан 11 кешене коткарганнар. Бу хакта «Татар-информ»га Россия Гадәттән тыш хәлләр министрлыгының ТР буенча Баш идарәсе матбугат хезмәтендә сөйләделәр.

Бүген төнлә 101 нче янгын сагы чакыру номерына Васильево бистәсендә Стекольная урамында бер катлы кирпеч йорт яна дигән хәбәр килде.

Бинадан 11 кеше, шул исәптән 8 баланы чыгарганнар.

Янгын мәйданы 56 кв. метр тәшкил итте. Беркем дә зыян күрмәде.

Алдан ачыкланганча, янгын электр җиһазларын монтажлаганда кагыйдә бозу аркасында килеп чыккан.