Сәхифәләр
«Татар-информ» мәгълүмат агентлыгы баш редакторы
Ринат Билалов
420066, Татарстан Республикасы, Казан, Декабристлар ур., 2нче йорт.
«ТАТМЕДИА» акционерлык җәмгыяте
«Татар-информ» мәгълүмат агентлыгы татар редакциясе
Баш редактор
Рәмис Латыйпов
Баш редактор урынбасары
Ләйсән Хафизова
Казанда мең сум акча бирмәгән өчен үтеп баручыны талаган ир-атларны кулга алдылар
Моңа кадәр хөкемгә тартылган ир-атларга карата «Талау» маддәсе буенча җинаять эше кузгатылды.
(Казан, 25 февраль, «Татар-информ», Полина Шевчук). Казанда мең сум акча бирмәгән өчен үтеп баручыны талаган һәм кыйнаган ир-атларны кулга алдылар. Бу хакта «Татар-информ» агентлыгына Россия Эчке эшләр министрлыгының Казан шәһәре буенча идарәсе матбугат хезмәтеннән хәбәр иттеләр.
Полиция бүлегенә Казанда яшәүче 30 яшьлек ир-ат мөрәҗәгать итеп, Минская урамында янына таныш түгел ике кеше килеп, аннан мең сум акча таләп итүе хакында сөйләгән. Ир-ат акча бирүдән баш тарткач, җинаятьчеләр аңа йодрыклары белән ташланган, шуннан соң җиргә егып, акча янчыгын талап алганнар һәм тиз арада табан ялтыратканнар. Нәтиҗәдә, алар үз кесәсен 10 мең сум акчага һәм банк карталарына баеткан.
Җинаятьчеләрне кайнар эздән Ломжа урамындагы бер йорт янында эләктергәннәр. Алар моңа кадәр дә шундый ук җинаятьләр өчен хөкем ителгән 31 һәм 36 яшьлек Казан кешеләре булып чыккан.
Әлеге факт нигезендә «Талау» маддәсе буенча җинаять эше кузгатылган. 31 яшьлек ир-атны тикшерү изоляторына озатканнар, әшнәсенә исә өй аресты билгеләнгән.
Кызыклы яңалыкларны күзәтеп бару өчен Телеграм-каналга язылыгыз