Сәхифәләр
«Татар-информ» мәгълүмат агентлыгы баш редакторы
Ринат Билалов
420066, Татарстан Республикасы, Казан, Декабристлар ур., 2нче йорт.
«ТАТМЕДИА» акционерлык җәмгыяте
«Татар-информ» мәгълүмат агентлыгы татар редакциясе
Баш редактор
Рәмис Латыйпов
Баш редактор урынбасары
Ләйсән Хафизова
Азнакайда дәрескә исерек хәлдә кергән технология укытучысын эштән азат иткәннәр
Әлеге вакыйганың шаһиты булган мәктәп укучылары белән аларда әдәплелек сыйфатлары тәрбияләүгә юнәлдерелгән әңгәмәләр үткәрелгән, дип искәрттеләр ТР Мәгариф һәм фән министрлыгында.
(Казан, 25 февраль, «Татар-информ»). Азнакайда технология укытучысы, дәрескә исерек хәлдә кереп, мәгариф турындагы законны бозган. Канун таләпләрен тупас бозган, шулай ук үзен лаеклы тотмаган өчен ул эшеннән азат ителгән. ТР Мәгариф һәм фән министрлыгының матбугат хезмәте җитәкчесе Алсу Мөхәммәтова «Татар-информ» агентлыгына шул хакта хәбәр итте.
Татарстан Мәгариф һәм фән министрлыгының белем бирү өлкәсендә күзәтчелек һәм контроль департаменты Азнакайда технология укытучысы белән килеп чыккан хәл турындагы мәгълүматларга башлангыч тикшерү үткәргән, дип белдерде министрлыкның матбугат сәркатибе.
«Укытучының хокукый, әхлакый һәм этик нормаларны үтәве, профессиональ этика таләпләренә таянып эш итүе шарт. Һәр педагог укучылар өчен үрнәк булырга һәм балаларда сәламәт яшәү рәвешен формалаштырырга тиеш», — дип искәртте Мөхәммәтова.
«Безгә Азнакай муниципаль районы Башкарма комитетының Мәгариф идарәсеннән хәбәр итүләренчә, әлеге вакыйганың шаһиты булган мәктәп укучылары белән аларда әдәплелек сыйфатлары тәрбияләүгә юнәлдерелгән әңгәмәләр үткәрелгән», — дип өстәде ТР Мәгариф һәм фән министрлыгының матбугат хезмәте җитәкчесе.
Моңа кадәр социаль челтәрләрдә бер видео чыккан иде. Аннан күренгәнчә, Азнакай шәһәрендәге 7нче мәктәпнең технология укытучысы дәрескә исерек хәлдә кергән. Видеоны укучылар үзләре төшергән.
Кызыклы яңалыкларны күзәтеп бару өчен Телеграм-каналга язылыгыз