Казанда бер яшьлек бала җиденче каттан егылып төшеп үлгән

Күпсанлы имгәнүләр алган бала хастаханәдә үлгән.

(Казан, 24 июнь, «Татар-информ», Полина Шевчук). Бүген Казанның Чуйков урамында 27нче йортта иртәнге сәгать дүрттән соң фаҗига булган. Җиденче каттагы фатир тәрәзәсеннән бер яшьлек бала егылып төшкән.

Күпсанлы имгәнүләр алган баланы хастаханәгә алып киткәннәр.

«Баланы уртача авыр хәлдәге балалар республика клиник хастаханәсенә китергәннәр. Әмма берникадәр вакыттан соң бала үлгән», — дип хәбәр иттеләр Татарстан Сәламәтлек саклау министрлыгы матбугат хезмәтендә.