Казанда күп катлы йортлар ишегалдында автомобиль янган
Янган автомобиль янында торган чит ил машинасының бамперы эрегән.
Скопировать ссылку
(Казан, 24 май, «Татар-информ»). Казанда биек йортлар арасындагы ишегалдында автомобиль янган. Бу хакта «Татар-информ»га ТР буенча Россия Гадәттән тыш хәлләр министрлыгы Баш идарәсенең матбугат хезмәтендә хәбәр иттеләр.
Бүген көндезге сәгать икедә Казанның Восход урамындагы 46нчы йорт ишегалдында автомобильгә ут капкан. Янгын мәйданы 4 квадрат метрны тәшкил иткән.
Янгын сүндерүчеләр яна торган автомобильне тиз арада сүндергән. Аның янында торган чит ил машинасының бамперы эрегән.
Янган автомобильнең маркасы һәм ут кабу сәбәпләре билгеләнә.
