news_header_top_970_100
16+
news_header_bot_970_100

Алабуга Үзәк район хастаханәсе табибы Covid-19 белән авырый

Табибның гаиләсе һәм аның белән элемтәдә булучылар изоляциядә, хастаханә эшли.

(Казан, 24 апрель, «Татар-информ»). Алабуга Үзәк район хастаханәсендә эшләүче табибның Covid-19 авыруына тесты уңай нәтиҗә күрсәткән. Бу турыда район матбугат хезмәте хәбәр итә.

«Хәзер табибның гаиләсе һәм аның белән элемтәдә булучылар изоляциядә. Алардан анализ алганнар. Иинфекция таралмасын өчен барлык чаралар күрелгән», — диелгән хәбәрдә.

Татарстанның Сәламәтлек саклау министрлыгында бу мәгълүматны расладылар. Хастаханәдә дезинфекция ясаганнар, ул штатлы режимда эшләвен дәвам итә.

autoscroll_news_right_240_400_1
autoscroll_news_right_240_400_2
news_bot_970_100