Казанда автомобиль чокырга төшеп киткән

Шаһитлар әйтүенчә, шофер тәүлекнең караңгы вакытында чокырны күрми калган булуы мөмкин.

(Казан, 24 март, «Татар-информ»). Чистай урамында Стамбул скверы янында автомобиль чокырга төшкән, дип хәбәр иттеләр «Татар-информ»га юл-транспорт һәлакәтләренең шаһитлары.

Шаһитлар әйтүенчә, шофер тәүлекнең караңгы вакытында чокырны күрми калган булуы мөмкин. Автомобильне чокырдан тартып чыгаралар, аның алгы бамперы изелгән.

Хәзерге вакытта агентлык машина йөртүченең хәле турында тулырак мәгълүмат ала.