news_header_top
16+
news_header_bot
news_top

Чаллыдагы автостоянкада, будкада янгын чыгып, каравылчы зыян күргән

Янгын Тынычлык проспектындагы «Виктория» автостоянкасы территориясендә чыккан.

(Казан, 24 февраль, «Татар-информ»). Чаллыдагы автостоянкада, будкада янгын чыгып, каравылчы зыян күргән. Бу хакта Россия Гадәттән тыш хәлләр министрлыгының ТР буенча Баш идарәсе матбугат хезмәтеннән хәбәр иттеләр.

Кичә иртән Тынычлык проспектындагы «Виктория» автостоянкасында каравылчы будкасында янгын чыккан. Янгынның мәйданы бер ярым квадрат метр тәшкил иткән.

Беренче һәм икенче дәрәҗә термик пешү җәрәхәтләре алган 64 яшьлек каравылчыны Чаллы ашыгыч медицина ярдәме хастаханәсенә озатканнар.

Янгын электр җиһазын файдалану кагыйдәләрен бозу сәбәпле чыккан дип фаразлана.

news_right_1
news_right_2
news_bot