Татарстанда йөк машинасы белән бәрелешкән автобусның ике йөртүчесе дә имгәнгән

Бәрелешүдән соң автобусның алгы өлеше яньчелгән һәм алгы тәрәзәсе ватылган.

(Казан, 24 гыйнвар, «Татар-информ»). Татарстанда йөк машинасы белән бәрелешкән автобусның ике йөртүчесе дә имгәнгән.

Кичә кич Алабуга районында федераль юлда автобус һәм йөк машинасы бәрелешкән. Каты бәрелешүдән соң автобусның алгы өлеше яньчелгән һәм алгы тәрәзәсе ватылган. Бу турыда һәлакәт шаһитлары сөйләде

Юл-транспорт һәлакәтендә имгәнгән автобус йөртүчене һәм аны алуштыручыны хастаханәгә алып киткәннәр. Йөк машинасы йөртүчесе зыян күрмәгән.