news_header_top_970_100
16+
news_header_bot_970_100

Әлмәт студентлары «җинаять урыны»нда булды

Яшьләргә үзләрен эксперт ролендә сынап карады.

Әлмәт студентлары «җинаять урыны»нда булды
almet-rt.ru

(Әлмәт, 24 гыйнвар, «Татар-информ», «Әлмәт таңнары»). Әлмәттә «ТИСБИ» идарә институты юридик факультетының 3 нче курс студентлары Әлмәт полициясенең эксперт-криминалистика бүлегендә кунак булды. Бу турыда Эчке эшләр министрлыгының Әлмәт районы буенча бүлегенең матбугат хезмәтенә сылтама белән район басмасы хәбәр итә.

Бүлек хезмәткәрләре аларга үз эшчәнлекләре турында сөйләде һәм эксперт-криминалистның эш урынын күрсәтеп, яшьләргә үзләрен эксперт ролендә сынап карарга да тәкъдим иттеләр.

Студентлар өчен махсус «җинаять урыны» әзерләнгән иде. Алар «таланган» бүлмәдә мөмкин кадәр күбрәк дәлилләр җыярга тиеш иде. Өстәлдәге стаканнарга караганда, фатирда берничә кеше булган. Бүлек эксперты полиция лейтенанты Ксения Рябова аларга җинаять урынында эзләрне алган вакытта эксперт гамәлләре алгоритмы турында җентекләп сөйләде.

Магнитлы пумалалар һәм дактилоскопик порошок белән коралланып, алар эшкә кереште. Эшне стаканнар эшкәртүдән башладылар. Аннары Ксения Николаевнаның җитәкчелегендә дактилоскопик скотч ярдәмендә җинаятьчеләр калдырган эзләрне алдылар.

Егетләр тырышып эшләгән арада эксперт, полиция майоры Дмитрий Андрианов кунакларга дактилоскопик экспертиза турында сөйләде.

Шуннан соң яшьләр дактилоскопик картаны рәсмиләштерү тәртибе белән танышты һәм аны алынган кул эзләре белән чагыштырды.


autoscroll_news_right_240_400_1
autoscroll_news_right_240_400_2
news_bot_970_100