Казан үзәгендә автобус юл-патруль хезмәте инспекторын бәрдергән

Ир-атны Казан хастаханәләренең берсенә алып киткәннәр.

(Казан, 23 сентябрь, «Татар-информ»). Казан үзәгендә автобус юл-патруль хезмәте инспекторын бәрдергән. Мәгълүмат социаль челтәрләрдә чыкты.

ЮХИДИ хезмәткәрен автобус Пушкин һәм Профсоюз урамнары чатында иртәнге сәгать унберенчедә бәрдергән.

«Татар-информ»га үз чыганагыннан мәгълүм булганча, ир-ат исән. Аны Казан хастаханәләренең берсенә салганнар.