Сәхифәләр
«Татар-информ» мәгълүмат агентлыгы баш редакторы
Ринат Билалов
420066, Татарстан Республикасы, Казан, Декабристлар ур., 2нче йорт.
«ТАТМЕДИА» акционерлык җәмгыяте
«Татар-информ» мәгълүмат агентлыгы татар редакциясе
Баш редактор
Рәмис Латыйпов
Баш редактор урынбасары
Ләйсән Хафизова
Яшел Үзән хастаханәсендә чыккан янгында өч кеше һәлак булган, өчесе реанимациядә
Янгын йөрәк-кан тамырлары авырулары бүлегендә чыккан.
(Казан, 23 май, «Татар-информ»). Яшел Үзән район хастаханәсенең йөрәк-кан тамырлары авырулары бүлегендә чыккан янгында өч кеше һәлак булган. Янгын турында хәбәр кичә 22.15 сәгатьтә 112 номерына килеп ирешкән.
Янгын урынына 53нче янгын сүндерү часте янгын сүндерүчеләре килеп җиткән. 22.31 минутта янгынны сүндергәннәр. Аның мәйданы өч квадрат метр тәшкил иткән.
10 минуттан янгын сүндерүчеләр ике кешенең гәүдәсен тапкан. Тагын ике кеше пешкән. Соңыннан шуларның берсенең һәлак булуы турында хәбәр килеп иреште. Бинадан 88 кеше эвакуацияләнгән булган.
Янгын сәбәпләре ачыклана. Трагедия урынына ТР сәламәтлек саклау министры Марат Садыйков килеп җиткән. Министрлык хәбәр итүенчә, янгын ясалма сулыш алдыру аппараты белән бәйле түгел.
Хәзерге вакытта ике кеше төтен белән агуланып, бер кеше тәне пешеп реанимациядә ята.
Кызыклы яңалыкларны күзәтеп бару өчен Телеграм-каналга язылыгыз