Югары Ослан районында янып беткән йорт һәм гараж хуҗасы да һәлак булган

Янгын Шеланга авылында төн уртасында чыккан.

(Казан, 23 апрель, «Татар-информ»). Бүген Югары Ослан районының Шеланга авылында янгын турында 0.24 сәгатьтә 101нче янгын сүндерү сагы номерына хәбәр иткәннәр.

Чакыру буенча килгән янгын сүндерүчеләр утның ике катлы торак йортны чолгап алуын күргән.

Янгынны бер сәгатьтән соң гына сүндерә алганнар. 108 квадрат метр мәйданда йорт һәм гараж янып беткән.

Хәрабәләрне актарганда 60 яшьлек ир-ат мәете табылган.

Фаҗиганең сәбәпләрен ачыклыйлар.