Казанда мэрия бинасын эвакуацияләгәннәр

Кремль урамындагы бина янына ашыгыч ярдәм машиналары һәм янгын сүндерү техникасы җыелган.

(Казан, 23 апрель, «Татар-информ», Елена Сәлахова). Казанда мэрия бинасын эвакуацияләгәннәр. Бу хакта «Татар-информ» агентлыгына әлеге хәлне күргән кешеләр хәбәр итте.

Кремль урамындагы бина янына ашыгыч ярдәм машиналары һәм янгын сүндерү техникасы җыелган.

Агентлык чыганагы мәгълүматлары буенча, бинада «шартлаткыч җайланма урнаштырылуы» хакында шалтырату килгән.

Ашыгыч хезмәтләрдә эшләүчеләр бинаны тикшергәннән соң, шалтыраткан кешене эзләргә керешәчәк.